(已被領養)尋家🏠 - 咖啡🐰

尋家🏠 - 咖啡🐰
·
—— 待領養兔兔資料 ——
姓名：咖啡
性別：男仔
年齡：約半歲（未絕育）
性格：活潑好動，大膽好奇
·
咖啡☕️終於出領養啦🤩

上個月接返嚟嘅咖啡☕️同牛奶🥛睇完醫生，醫生話兩隻都仲係小朋友🥹
由於咖啡☕️同牛奶🥛都係男仔，而咖啡☕️大約半歲大，所以開始有霸地盤嘅行為，呢個應該就係之前噴尿咁嚴重嘅原因😮💨

本身見佢兩個成日都黐埋一齊瞓，就諗住俾佢哋繼續一齊住，但係可惜就喺睇醫生當日朝早，開始出現有攻擊牛奶🥛嘅情況，同醫生商討之後，最後決定都係將佢哋兩個要分開🥲

不過分開之後，咖啡表示獨霸一個籠好開心😆就冇再出現過噴尿既情況😂
喺啱啱依個月裏面，咖啡☕️都好乖，圍住個籠嘅圍板都已經全部拆除😌
好多上過嚟嘅客人都表示咖啡☕️好可愛同好親人🥰亦有唔少人表示有意帶咖啡返屋企🤭希望快啲揾到合適嘅新主人🤩
·
領養要求：

- 申請人必須年滿十八歲，如果領養人未滿十八歲，必須得到監護人同意，並由監護人申請領養，並一同出席接兔。

- 不接受領養兔兔以作繁殖。

- 領養人必須有足夠經濟能力，並承諾喺兔兔生病要帶去睇醫生。

- 係領養兔兔之後如因任何原因不能繼續飼養，請立即與我哋聯絡，不能棄於野外。

- 我哋接受新手領養，但係申請前必須先做好功課，了解兔兔嘅飼養方式❤️

-如果未有飼養設備同用具，亦並唔需要即時購買！可以喺成功領養後按照需求添置😊

·
如果準備好俾咖啡🐰成為你地嘅家庭成員，請立即dm我地申請la!🤩————————————————————————————————————
此分隔線下内容與以上無關..

目前已經暫託緊5隻🐰、1隻🐱、1隻🐹，奇奇得一個人照顧佢地，能力同資源都好有限🥲所以如果大家有多餘嘅物資，希望都考慮吓捐俾我哋呢啲小小嘅獨立義工🥺🙏🏻
另外，Tiny Buddies嘅網店已經初步嘗試營運，網店嘅收益同草草卷/罐罐卷亦都會用返起暫託被遺棄小動物嘅開支，希望大家多多支持🫶🏻

www.tinybuddies.com.hk

如果大家有咩問題都歡迎dm我地，令我地可以做得更好🙏🏻
————————————————————————————————————
Bring Smile to Our Tiny Buddiessss❤️